de
Groffliers du XIIe et XVe s.de
Groffliers du XIIe et XVe s.Délibération des mayeurs, échevins et paroissiens de Groffliers pour la réédification et réparation de leur église. (8 mai 1575).
" Furent présents et comparants en personnes à Monstroeul Guillaume Chopin et Robert Ricquer, laboureurs demtz à Grofliers, paroisiens et procureurs des curé, marglisier et autrez paroisiens de l'église Dieu et Nostre-Dame aud. Grofliers, lesquelz tant comme paroissiens d'icelle église que en vertu de la procuration de la laquelle la teneur enssuict :
" A tous ceulx quy ces présents lettres verront, mayeur
et eschevins de la ville et communaulté de Waben sur la
mer, salut. Sçavoir faisons que aujourd'huy datte des présentes,
en l'église Dieu et Nostre-Dame de Grofliers, aprez la
messe paroissialle dud. Lieu a esté faict ce que sensuict
: c'est assçavoir que pour la grand ruyne et descouverture
advenu à lad. Église par les grands ventz, notoire
à ung chacun des habitans et parochiens dudict lieu, et
sans rédification et réparation de laquelle il est
imposibible de cellébrer le service divin quy journellement
se y doibt chanter, mesmes pour poursuivir tous les droictz, noms,
raisons et actions du revenu temporel de lad. Église et
à ce que icelle église poeult apartenir en quelque
sorte et manière que ce soit , vendre et allienner ledict
revenu pour lad. Rédification, sy besoing est de eslire
deux hommes suffisans et capables pour faire lesdictes poursuictes
et réparation, dont les noms et surnoms desditz habitants
et parochiens ensuivent : sire Pierre Loqueton, p(re)b(t)re, vice-curé
de lad. Église ; Thomas Le Roy, mayeur et paroissien dudict
lieu ; Nicolas Rivet, Robert Riquer, Thomas Baiard, eschvins ;
Jehan Courtin, Nicolas Ricard, Phles Dabihen, Jodce Rivet, Xristofle
du Saulnier, Jehan Burois, Michel Vaillant, Nicolas Le Roy, Jehan
Vasseur, François Vasseur, Andrieu Le Blond, Andrieu du
Saulnier, Jehan Damour, George Goudallier, Firmin Baiiard, Bertin
Gropo, Nicolas de Le Trencque, Jehan Rivet fils Nicolas, Jehan
Boullenger, Mahieu Boulenger, Jehan Rivet filz Porru, Pierre Gueulloy,
et aultres tous habitans et paroissiens de lad. église
; lesquelz et pour ce ont nommé, esleu et estably, et par
ces présentes eslizent, constituent et establissent leurs
procureurs et messagers généraulx et espéciaulx
de Guillaume Chopin et Pierre Dordenarde, paroissiens dud. Lieu,
quy ont ce volontairement accepté. Ausquelz procureurs
ou l'un d'eulx seul et pour le tout, ilz ont donné et donnent
plain pooir général et espécial de faire
des poursuictes, réparation et ventes dessustes, mesmes
de pouvoir subtituer procureurs ung ou plusieurs au mesme pooir.
Sy ont aussy donné pouvoir ausditz Chopin et Dordenave
de vendre et alliener les matières appartenans à
ladicte église, et aultres sy aucunes en y a et sy besoing
est, et en tout y besogner sy bien que les dictz habitans porroyent
faire sy présentz en 
leuyrs
personnes y estoient. Etc….. En tesmoing de ce que nous avions
faict mectre le scel royal estably de par le Roy nostre sire audict
Waben à ces présentes, quy furent faictes et passées
en l'église duduct Grofliers, le huictiesme jour de may
mil Ve soixante quinze, et ont signé à l'original,
suivant l'eedeict ; signé supz le reply ; A. Le Febvre.
"
En vertu de cette procuration, Chopin et Ricquer vendent à
Jehan Caron, marchand demeurant à Bercq, " deux journeux
de terres molières prinses aux molières que l'on
enclost pour le jourdhuy aud. Grofliers, tenanz d'une liste aud.
Caron achepteur, ayant droict de Claude Cail, et d "un bout
au roïon quy faict fermeture allencontre de la mer, et daultre
bout au chemin quy faict le widaige desd. Molières, tenues
du Roy nostre sire à cause de son domaine de Ponthieu,
par deux solz six deniers parisis chacun journel…A la cherge
de faire parachever la fermeture et roïon d'icelles tant
seullement….moyennant soixante dix-huict livres quatres solz….Faict,
passé et recognut audict Monstroeul, le quatriesme jour
de décembre mil Ve soixante seize, par devant les notaires
royaux aud. Monstreuil soubzsignez. "
ALLAIN. DELEAUE.
Minutes d'Allain.
